GISING!!!!

Mahina ka na nga,
Papanig ka pa sa walanghiya,
lalo ka lang magiging kaawa awa,
matuto ka nang magtanda bata,
matagal ka nang sinasalaula,
wala ka pa ring ginagawa,
magsimulang tipunin lahat ng alila,
at ihalibas lahat ng galit sa mga balatuba!

HUNGKAG

Kapayapaan ay hungkag
kung sikmura'y walang laman.
Mas maigi pang may digmaan,
kahit paano'y may laban
kung may armas na tangan.
Kaysa mamatay ng dilat
dahil sa matinding kagutuman
dahil na rin sa gobyernong
ang libangan ay parating
magbulagbulagan
sa kalunos lunos na sitwasyon
ng kanyang nasasakupan.
Bunga na rin ng lipunang
ang umiiral na sistema'y
walang piring na katarungan.
Ano pang bukas ang dapat asahan
ng ating mga kabataan?
Ayaw ko nang makialam,
Wala na akong pakialam
dahil baka ako pa ang mapagbintangang
lider ng mga kawatan!!!

BANSOT

Binabansot aking diwa
ng mga nakaumang na tingga
sadyang di kayang bigyang laya
ang mulat kong paniniwala
sa lipunang ang sistema
sa pagkaalipin nakatanikala.

Subalit noon yon...
Noong ako'y bata pa...
inosente, walang muwang...
puno ng takot...
ng pagkasindak....

Nagdaan ang maraming panahon,
Paubos na ang buhok sa bumbon,
Ang bansot ay naging higante,
Armadong intelehente,
Handang maging vigilante,
Kayang harapin sandamukal na elepante.

Naging dambuhalang mapanila,
ang dating uod na tulala,
Nagsaparu-parong magara,
upang protektahan ang mga mahina,
laban sa mga sakim na sugapa,
sa kapangyarihan nangayupapa!!!